Хөлийн голын 43 га газрыг 15 жилийн хугацаатай эзэмшүүлэхээр боллоо

Баянзүрх дүүргийн 11 дүгээр хорооны нутаг дэвсгэрт байрлах “Ургах наран” хорооллын урд талын автозам болон төмөр замын хоорондох Хөлийн голын хөндийд 43 га газрыг “Улаанбаатар дулааны 5 дугаар цахилгаан станц”-ыг барих зориулалтаар Эрчим хүчний яаманд 15 жилийн хугацаатайгаар эзэмших эрх олгох захирамжийг Нийслэлийн Засаг дарга бөгөөд Улаанбаатар хотын захирагч Э.Бат-Үүл өнөөдөр гаргажээ.

“Улаанбаатар дулааны 5 дугаар цахилгаан станц”-ын барилга байгууламжийн архитектор төлөвлөлт, зургийн даалгаврыг боловсруулсны дагуу зураг төслийг батлах, барилга угсралтын ажил дахь хяналтыг нийслэлийн Ерөнхий төлөвлөгөөний газар, харин газар эзэмшүүлэх гэрээг байгуулах, гэрчилгээ олгох ажлыг нийслэлийн Өмчийн харилцааны газар хариуцахаар болсон байна.

С.Цахиур