Сураггүй болсон Б.Эгшиглэн нүцгэн зургаараа “ил гарав”

“В” продакшнаар овоглон рок попын ертөнцөд гарч ирсэн дуучин Б.Эгшиглэн сүүлийн жилүүдэд нам гүмхэн байсан гэхэд хилсдэхгүй. Олонд танигдсан цагаасаа эхлэн шоу цэнгээн, хайр дурлалын асуудлаар хэвлэлийн хуудсыг чимж явсан шавилхан охин өөрийгөө нэлээд эршүүд зантай гэж тодорхойлдог. Гэхдээ сонин сэтгүүлийн хуудаснаа дур булаам төрхтэй дуучин бүсгүйн зураг гарах болсноор түүний энэ тодорхойлолт үнэнд нийцэхээ больсон.

“Нэгэн зүгт” хамтлагийн дуучин С.Заяатай үерхэж, дотно харилцааныхаа талаар ток шоунд хүртэл дэлгээд амжсан Б.Эгшиглэнгийн жинхэнэ нэр нь Б.Болортуяа. Урлагийн тайзнаа танил болсон энэ нэрээрээ овоглох дуртай тэрбээр найз залуугаасаа салж, дуулахаа больсноос хойш олны нүдэнд харагдаагүй. Харин саяхнаас түүний нүцгэн зураг хэвлэлээр дэлгэгдэж, шил дараалан нүцгэлэх болсон олны танил бүсгүйчүүдийн цувааг Б.Эгшиглэн залгаж байгаа нь мэдэгдлээ. Олигтой дуу дуулахаас илүү нүцгэн зургаараа “од” болох нь таалагдсан юм байх даа, бүү мэд.

С.Цахиур