“Шуранхай”-гаар овоглосон Б.Номин-Эрдэнэ балетчин залуугаасаа салжээ

“Сэтгэл”, “Тэмүүлэл”, “Мөрөөдөл” нэртэй гурван хос цомог гаргасан дуучин бүсгүй хувийн амьдралаа төвхнүүлэх тухай бодохоо больсон гэнэ. Хэдэн жил үерхэж дассан балетчин Х.Одсүрэнтэйгээ хамтын амьдрал зохиож, үр хүүхэдтэй болохыг мөрөөдөж явсан ч нэг л өдөр бүх зүйл нь нурсан аж. Гадаадын томоохон театрт ажиллаж буй түүний найз залуу жил бүр эх орондоо ирдэг төдийгүй дуучин бүсгүйг дагуулан асрах газруудаар явж, хүмүүнлэгийн тоглолт хийдэг байжээ. Гэвч сүүлийн үед ирэх нь ховордсон балетчин залуугийн сэтгэл хувирсан уу, яасан. Б.Номин-Эрдэнэ түүнээс салсан тухайгаа зарлаж, хоёр биеэ үгүйлэн санахын жаргал нь там болж хувирсныг дэлгэжээ.

“Шуранхай” хамтлагаар овоглон урлагийн ертөнцөд гарч ирсэн уртын дуучин бүсгүй ийнхүү ганц бие болсноо дуулгасан нь олон залуусыг баярлуулсан байж ч мэднэ. Эрх чөлөөтэй, өөрийн дураар амьдрах хүсэлтэй дуучин бүсгүй нэгэнтээ “Би их уйдамтгай. Нэг залуутай 14 хоног болзоод л уйдчихдаг” хэмээсэн удаатай. Магадгүй, үргэлж цоглог байхыг хичээдэг тэрбээр хил дамнасан дурлалаасаа уйдсан ч юм билүү, бүү мэд. Ямар ч гэсэн усан бассейн, фитнессээр хичээллэн эрч хүчээ сэргээж байгаа нь түүнд ганцаардлыг мэдрүүлэхгүй байгаа гэсэн шүү.

С.Цахиур