“Наполи” хожигдсоноор “Интер” аман хүзүүнд бичигдэж эхэллээ

Цагтаа баг дэлхийн аварга хэмээн нэрлэгддэг байсан Италийн хөлбөмбөгийн “Сери-А”-гийн 10 дугаар тойргийн тоглолт өчигдөр шөнө боллоо. Энэ тойрогт өнгөрсөн улиралд “Сери-А”-д ганц хожигдоогүй түрүүлсэн “Турины Ювентус” талбайдаа “Болонья”-г 2:1-ээр буулган авчээ. Ингэснээр “Хуучин ноёд”-ын лигтээ хожигдоогүй цуврал 48-д хүрлээ. Тэд 28 оноотой тэргүүлж яваа бол “Интер Милан” 24 оноотой удаалж байна. “Хар хөхүүд” өчигдөр “Сампдориа”-г “Сан Сиро” цэнгэлдэх хүрээлэндээ хүлээн авч, 3:2-оор буулган авчээ. Харин лиг эхэлснээс хойш “Ювентус”-тай зуузай холбож явсан “Наполи” сүүлийн гурван тоглолтод хоёрт нь бүдэрснээр хүснэгтийн гуравдугаар байрт бичигдэж эхэллээ. Неаполь хотын баг өчигдөр “Аталанта”-д зочилж, 0:1-ээр хожигдов. Харин лиг эхэлснээс хойш тун тааруухан тоглож буй хөлбөмбөгийн агуу түүхтэй “АС Милан” “Палермо”-той 2:2-оор эвийн гэрээ байгууллаа. “Сери-А”-гийн 10 дугаар тойргийн тоглолтын дүнг хүргэе.

Аталанта - Наполи 1:0

Гоол: Карлос Кармона 19 

Кальяри - Сиена 4:2

Гоол: Нене 6, 26, Марко Сау 28, Тьяго Рибейро 89 - Эрйон Богдани 42, Эмануэле Калайо 90+3

Кьево - Пескара 2:0

Гоол: Лусиано 75-пен, Адриан Стоян 76

Интер - Сампдориа 3:2

Гоол: Диего Милито 52-пен, Родриго Паласио 69, Фредди Гуарин 81 - Жанни Мунари 20, Эдер 90+4

Ювентус - Болонья 2:1

Голы: Фабио Квальярелла 54, Поль Погба 90+2 - Сафир Таидер 71

Лацио - Торино 1:1

Гоол: Стефано Маури 57, - Камил Глик 10

Парма - Рома 3:2

Гоол: Исак Бельфодиль 34, Марко Пароло 37, Кристиан Заккардо 65 - Эрик Ламела 8, Франческо Тотти 71

Удинезе - Катанья 2:2

Гоол: Антонио Ди Натале 29-пен, 90+3 - Лукас Кастро 62, Франческо Лоди 86

Палермо - Милан 2:2

Гоол: Фабрицио Микколи 45+1-пен, Франко Бриенца 47 - Риккардо Монтоливо 69, Стефан Эль-Шаарави 80

“Сери-А”-гийн явц

Баг                                       Тт           Оноо

1. Ювентус                           10           28

2. Интер                               10           24

3. Наполи                             10           22

4. Лацио                              10           19

5. Фиорентина                       9              15

6. Парма                              10           15

7. Рома                                10           14

8. Кальяри                           10           14

9. Удинезе                           10           13

10. Катанья                          10           12

11. Аталанта                        10           12

12. Милан                            10           11

13. Торино                           10           10

14. Сампдориа                     10           10

15. Кьево                             10           10

16. Женоа                             9              9

17. Пескара                          10           8

18. Палермо                         10           8

19. Болонья                         10           7

20. Сиена                             10           3

 Б.Бат