С.Шаарийбуу Малайзын Дээд шүүхэд гомдол гаргана

Малайзын Давж заалдах шатны шүүх Ш.Алтантуяагийн гэр бүлийн эсрэг шийдвэр гаргасан учраас хохирогчийн талыг төлөөлж буй өмгөөлөг Сангит Каур Део Малайзын Холбооны шүүх буюу Дээд шүүхэд гомдол гаргана гэдгээ мэдэгдлээ.

Малайзын Давж заалдах шатны шүүхийн хурлаар 2006 онд Ерөнхий сайд асан Нажиб Разакийн бие хамгаалагчдын гарт амиа алдсан Ш.Алтантуяагийн гэр бүлд учирсан хохирлыг нөхөн төлүүлэхээр шийдвэрлэсэн шүүхийн шийдвэрийг хүчингүй болгожээ. Өөрөөр хэлбэл Давж заалдах штаны шүүх өмөн нь Ш.Алтантуяагийн гэр бүлийн талд гаргасан иргэний хэргийн шүүхийн шийдвэрийг хүчингүй болгуулах тухай Малайзын Засгийн газраас гаргасан давж заалдах гомдлыг хүлээн авсан байна.

Одоогоос дөрвөн жилийн өмнө 2022 онд хэргийн хариуцлагыг Малайзын Засгийн газар болон Абдул Разак Багинда, Азила Хадри, Сирул Азхар нар хамтран үүрэх ёстой гэх шүүхийн дүгнэлт гарч байв. Гэсэн ч хариуцагч талууд хохирлын нөхөн төлбөр олгоогүй тул Ш.Алтантуяагийн гэр бүл энэхүү шийдвэрийн хэрэгжилтийг хангуулахаар шүүхэд гомдол гаргасан юм. Улмаар 2025 онд Малайзын шүүх Малайзын Засгийн газар болон Абдул Разак нарыг тус бүр 4.7 сая ринггитийг хохирлын нөхөн төлбөрт төлж, давж заалдах шатны шийдвэр гартал төлбөрийг урьдчилан байршуулах ёстой гэж шийдвэрлэсэн билээ.