Шинзо Абэгийн амийг хөнөөсөн этгээдийн шүүх хуралд оролцохоор дугаарлав

Японы ерөнхий сайд агсан Шинзо Абэгийн амь насыг хөнөөсөн этгээдэд ял оноох шүүх хуралд оролцохоор өнөөдөр өглөө олон зуун хүн Японы Нара хотын төв цэцэрлэгт хүрээлэнд дугаарлан зогсжээ.

Ял оноох шүүх хуралд оролцох хүмүүсийн тоо их байгаа тул сугалаагаар шүүх танхимд оруулсан байна. Үүний тулд дугаар бүхий цаасан бугуйвч тарааж, 32 суудлын төлөө 685 хүн “өрсөлдсөн” байна.

Шинзо Абэ 2022 оны долоодугаар сарын 8-нд Нара мужид сонгуулийн сурталчилгаанд оролцож байхдаа буудуулж, амиа алдсан билээ. Түүний амийг хөнөөсөн Тэцүя  Ямагами гар хийцийн буугаар ар нуруу руу нь хоёр удаа буудсан бөгөөд хоёрдох сум улстөрчийн хүзүү, цээжинд тусаж, үхэлд хүргэжээ.

Ямагами гэмт хэрэг хийх болсон шалтгаанаа тайлбарлахдаа Абэг Нэгдлийн сүмтэй холбоотой байсан гэжээ. Ямагамигийн эх тус байгууллагад 100 сая иений хандив өргөхийн тул гэрээ зарснаас тус гэр бүл дампуурсан байна. Абэ тус байгууллага мэндчилгээ илгээдэг байсан нь харилцаа холбоотой байсныг илтгэж байна гэж гэмт хэрэгтэн мэдүүлсэн байна. Түүний ярьснаар, Абэгийн өвөө болох Японы ерөнхий сайд асан Нобүсүкэ Киши Нэгдлийн сүмийг гаднаас орж ирэхэд нь тус болсон гэсэн ч үүнийг нотолгоо байхгүй. Тус байгууллага Абэтэй холбоотой байсан гэдгийг няцаасан юм.

Нара тойргийн шүүх түүнд бүх насаар нь хорих ял оноов.