СҮХБААТАР | Дарьганга сумын Засаг дарга М.Цэрэндаш согтуурсан үедээ бусдыг хутгалжээ

Сүхбаатар аймгийн Дарьганга сумын Засаг дарга М.Цэрэндаш согтуурсан үедээ бусдыг хутгалж гэмтээжээ.

Энэ талаар цагдаагийн байгууллагаас тодруулахад “Энэ сарын 04-ний өдөр тус сумын Засаг дарга ажилтай М.Ц гэгч нь мэс ашиглан бусдын биед гэмтэл учруулсан. Уг хэргийг цагдаагийн байгууллагаас бүртгэлд авч, хохирогчид гэмтлийн зэрэг тогтоолгохоор шинжээч томилон, шалгах ажиллагаа үргэлжилж байна” гэлээ.

Тэрбээр 2024 онд аймгийн Засаг даргын захирамжаар Дарьганга сумын Засаг даргаар томилогдож байжээ.