ЖАГСААЛТ I ЕБС, цэцэрлэгийн хамран сургах тойрог

Боловсролын ерөнхий хуулийн 28 дугаар зүйлийн 28.8 дахь хэсэгт “Боловсролын асуудал хариуцсан төрийн захиргааны байгууллагаас баталсан аргачлалын дагуу хамран сургах тойргийг боловсролын асуудал эрхэлсэн орон нутгийн байгууллага тогтооно.”, мөн хуулийн 36 дугаар зүйлийн 36.4 дэх хэсэгт “Энэ хуулийн 36.1, 36.2, 36.3-т заасан этгээд боловсролын чанар, хүртээмжийг нэмэгдүүлэх, төсвийн хөрөнгө оруулалт болон нөөцийг хуваарилах, сургалтын байгууллага байгуулах, бүтэц, хамран сургах тойрог тогтооход хүн амын нягтаршил, суурьшил, дэд бүтэц, бүс нутгийн нийгэм-эдийн засгийн хөгжлийн хэтийн төлөвтэй уялдуулсан газар зүйн мэдээллийн системд тулгуурласан төлөвлөлтийг хэрэгжүүлнэ” гэж тус тус заасан байдаг.

Хуулийн дагуу аймаг, нийслэлийн Боловсролын газрууд хамран сургах тойргийг тогтоон мөрдөж байна.

Та бүхэнд Нийслэлийн Боловсролын газрын даргын 2025 оны 06 дугаар сарын 26-ны өдрийн “Хамран сургах тойрог тогтоох тухай” А/57 дугаар тушаал, Нийслэлийн Боловсролын газрын даргын 2025 оны 06 дугаар сарын 26-ны өдрийн “Хамран сургах тойрог тогтоох тухай” А/58 дугаар тушаалыг танилцуулж байна.

Аймгуудын хамран сургах тойргийн талаарх дэлгэрэнгүй мэдээллийг тухайн тухайн аймгийн Боловсролын газрын цахим хуудаст хандан авах боломжой.

Та доорх линкээр орж, нийслэлийн хамран сургах тойрог тогтоосон цэцэрлэг, сургуулийн дэлгэрэнгүй мэдээлэлтэй танилцана уу.
 

• Сургуулийн өмнөх боловсролын “Хамран сургах тойрог тогтоох тухай” А/57 дугаар тушаал
   

https://drive.google.com/file/d/1_nyROBX7ra2WbJR8WNeftoaCZyJFo6St/view?fbclid=IwY2xjawLur1hleHRuA2FlbQIxMABicmlkETEwRHY1SjhqZGplMEtJOGp1AR4jxPRQ1qjJRG1tauPE0DnyRZV1RVir-14oBsM5tPffHR0WozGmFlb-f7TKng_aem_cLUPCwAnu5AYOoG1H2fBfg
 

• Нийслэлийн ерөнхий боловсролын сургуулийн “Хамран сургах тойрог тогтоох тухай” А/58 дугаар тушаал
   

https://drive.google.com/file/d/17Z_GBReMNdo-Dk9k_oltB0lMx48VXZRT/view?fbclid=IwY2xjawLur05leHRuA2FlbQIxMABicmlkETEwRHY1SjhqZGplMEtJOGp1AR7NtwH146B-rDuhlC1-bVPEQSX2hkf80yd3ma01w8weYbMld6CHFBRsVVV3YA_aem_7T06oXwz0Kbl82E5MQ86Kg
 

Сануулахад, 2025-2026 оны хичээлийн жилд Төрийн өмчийн ерөнхий боловсролын сургуулийн 1 дүгээр ангийн элсэлтийн цахим бүртгэлийг Монгол Улсын хэмжээнд 2025 оны наймдугаар сарын 12-26-ны өдрийг дуустал E-Mongolia системээр дамжуулан зохион байгуулна. 

Иргэд нэгдүгээр ангийн элсэлтийн цахим бүртгэлийн үйлчилгээг авахдаа дараах зүйлсийг анхаарах ёстой. 
 

• Өөрийн болон хүүхдийнхээ хаягийн бүртгэл, мэдээллийг нягталж, баталгаажуулсан байх;
   
• Шилжилт хөдөлгөөнийг 8 дугаар сарын 05-ны өдрөөс өмнө баталгаажуулсан байх; (хуурамч шилжилт хөдөлгөөн, түрээсийн гэрээ хийхийг хориглоно)
   
• 2019 оны 01 дүгээр сарын 01-ний өдрөөс 2019 оны 12 дугаар сарын 31-ний өдрийн хооронд төрсөн 6 настай хүүхэд 1 дүгээр ангийн цахим бүртгэлд хамрагдана.