Өнгөрсөн онд Орос, Японы худалдааны бараа эргэлт буурчээ

Ж.Сондор | Zindaa.mn
2025 оны 01 сарын 23

 

Орос, Японы худалдааны бараа эргэлт 2024 онд өмнөх онтой харьцуулбал 21,8%-иар буурч, 1,18 их наяд иенд хүрсэн нь Японы Сангийн яамны статистикийн мэдээ баримтаас харагдаж байна.

ОХУ-аас Японд орж ирсэн бараа, бүтээгдхүүний импорт 2024 онд 16,7%-иар буурч, 860,3 тэрбум иен ($5,5 млрд) болсон бол Японоос Орост нийлүүлсэн бараа, бүтээгдхүүний экспорт 2024 онд 17,2%-иар буурч, 327,6 тэрбум иенд ($2,09 млрд) хүрсэн ажээ.

Япон улс өнгөрсөн онд Оросын шингэрүүлсэн байгалийн хийн импортоо 2023 онтой харьцуулбал 7,3%-иар бууруулсан байна. Ингэхдээ 2024 оны арванхоёрдугаар сард Ороос оруулсан импорт 32,8%-иар унасан боловч Орос руу гаргасан экспорт 10,3%-иар нэмэгджээ.

Оросын шингэрүүлсэн байгалийн хийн импорт өнгөрсөн сард 2023 оны мөн үетэй харьцуулбал 34,4% буурсан ажээ. 2024 онд Япон улс Оросын нүүрсний импортоо 64,7%-иар, өнгөрсөн сард 28,7%-иар бууруулсан байна.

Япон улс 2024 онд ОХУ-аас газрын тос худалдан аваагүй аж. Учир нь “Их 7”-ийн бүлгийн гишүүн орнууд Оросын газрын тосыг худалдан авах үнийн дээд хязгаар тогтоосон юм. Өнгөрсөн онд Оросоос авсан Японы үр тарианы импорт 2023 онтой харьцуулбал 55,2%-иар буурсан. Харин 2024 оны арванхоёрдугаар сард 2023 оны мөн үетэй харьцуулбал Япон улс Оросын үр тарианы импортоо 96,6%-иар бууруулжээ. 

Оросын хүнсний ногооны импортоо Япон улс 2024 онд 21,9%-иар бууруулсан бол мөн оны арванхоёрдугаар сард үр тарианы импортоо 72,2%-иар нэмэгдүүлсэн байна. Түүнээс гадна Япон улс Орост нийлүүлдэг хөнгөн тэрэгний экспортоо 2024 онд 6,3%-иар, мөн оны арванхоёрдугаар сард 10,4%-иар бууруулсан байна.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
зочин(103.57.95.247) 2025 оны 01 сарын 24

Энэ ертөнц дээр харилцан хамааралгүй юм гэж нэг ч байхгүй Үүнийг шүтэн барилдлага гэж нэрэлдэг ЗЭН ертөнцийн давтамжтай ижилсэж урсгал даган явах л гэж бодож байна Би Бид мундаг гээл байвал тэндээс нөхцөл шалтгаан үүсэх болно гэж багш мэргэд хэлдэг

0  |  0
Top