Ерөнхий сайд У.Хүрэлсүх Гашуунсухайтын боомтоор орж ирнэ

Монгол Улсын Ерөнхий Сайд У. Хүрэлсүх БНХАУ-д дахь айлчлалаа өндөрлүүлээд ирэхдээ Монгол Улсын өмнөд хил болох Гашуунсухайтын боомтоор орж ирэхээр болсон байна. Энэ талаар түүний зөвлөх А.Үйлстөгөлдөр LIVE хийжээ. Тэрээр урьд өмнө нь онгоцоор нисч тухайн улсад айлчлал хийгээд буцахдаа газраар ирж байсан төрийн тэргүүн, Ерөнхий сайд байгаагүй гэдгийг онцолжээ.

Ерөнхий сайд Хятад руу нүүрс тээвэрлэж байгаа цуваа болон Ганц мод, Гашуунсухайт, Цагаан хадны боомтын үйл ажиллагаатай газар дээр нь танилцах юм байна.

Монгол Улсын Ерөнхий Сайд У.Хүрэлсүхийн БНХАУ-д хийсэн айлчлалын нэг том зорилго нь нүүрсний экспорт байсан юм. Энэ талаар илүү дэлгэрэнгүйг мэдээллийг Эндээс авна уу.

А.Түвшин