Сансарт аялаад 9 сантиметрээр өндөр болжээ

Японд нэгэн сонирхолтой зүйл болжээ. Японы сансрын нисгэгч Норисигэ Канаи өнгөрөгч оны 12 дугаар сарын 19-нд  олон улсын сансрын станцад очсон байна. Түүнд итгэмээргүй явдал тохиолдсон бөгөөд тэрбээр гурван долоо хоногийн дотор 9 сантиметрээр өндөр болсон гэнэ.

Энэ тухай Норисигэ Канаи  өөрийн твиттер хуудсаараа анх олон нийтэд мэдэгджээ. Тэрбээр “Өглөөний мэнд, та бүхэнд нэгэн ноцтой мэдээг хуваалцаж байна. Би сансарт ирснээсээ хойш 9 сантиметрээр өссөн ба багаасаа гурван долоо хоногийн дотор хамгийн өндөр болсон нь боллоо” хэмээн бичжээ

Сансрын нисгэгчид сансарт аялахдаа хоёр сантиметрээр л өндөр болсон тохиолдол байдаг аж. Харин Канаид тохиолдсон шиг явдал өмнө нь болж байгаагүй гэнэ.

 Б.Янжиндулам

www.zindaa.mn

www.stuff.co.nz