Ийм залуус улам олон болоосой

Нийгэмд сайн үлгэр дууриалыг үзүүлж явдаг залуус олон болжээ. Тэдний нэг бол Ухаа худагийн залуус юм. Тэд цангаж, харангадсан янгирт ус, тэжээл өгч тэнхрүүлэн өөрсдийн байгуулсан уст цэг дээрээ аваачжээ. Хур тунадас багатай жил говийн зэрлэг амьтад өвөлдөө усгүйдэж, харангадах аюултай тулгардаг бөгөөд үүнээс сэргийлэх үүднээс хоёр жилийн өмнө хиймэл уст цэг байгуулсан гэнэ. Энержи Ресурсын залуус уст цэгээ байнга ажиглан эргэж тойрч, усаа нэмж, ойр орчимд нь өвс, тэжээл тавьдаг аж. Энэ янгир уст цэгийн замын эсрэг талд байсан тул уг байршилд дахин хиймэл уст цэг гаргахаар төлөвлөжээ.

Эх сурвалж: Zindaa.mn