Дулаалсан өрхүүдийн нүүрсний хэрэглээ 50-60 хувь буурчээ

Агаарын бохирдлыг бууруулах, утааг багасгах зорилготой “Дулаалгын аян”-ыг Чингэлтэй дүүргийн хэмжээнд зарласан. Аяны  хүрээнд  тус дүүргийн 7-19 дүгээр хороонд  тус бүр нэг  өрхийг сонгож “Загвар өрх”-үүдийг бий болгожээ.

Иргэний амины сууцыг нь чулуун хөвөнгөөр дулаалж, дулаан алдагдлыг бууруулснаар түүхий нүүрсний хэрэглээ 50-80 хувь хүртэл буурсан гэнэ. Айл өрх бүр амины сууц, орон гэрээ чанарын шаардлагад нийцсэн дулаалгын материалаар дулаалж утааг багасгах бодит ажил болох нь “Загвар өрх”-үүдийн түлшний хэрэглээнээс харагдаж байгаа ажээ.

Цаашид “Загвар өрх”-үүдийг нийт айл өрхүүдэд сурталчлах, мэдээллийг хүргэх ажлыг үргэлжлүүлэн зохион байгуулах юм.

 А.Эрдэнэ

www.zindaa.mn