Т.Банзрагч: Гэр хороололд орон сууцнаас ч илүү сайхан амьдарч болно

    Эрдэнэт хотод амьдардаг Т.Банзрагчийнх хоёр өрөө орон сууцаа зарж гэр хороололд хашаа байшинд амьдрах болсон байна. Эрдэнэт хотын шинэ тосгоны гэр хороололд тэднийх орон сууцанд амьдрахаас дутуугүй тохилог амьдарч байна. Хүн бүр орон сууцанд амьдрахыг илүүд үзэж байхад гэр хороололд хэрхэн тохилог амьдарч болохыг үлгэрлэж буй нэгэн юм. Т.Банзрагч үлгэр жишээ амьдарч буй талаар “Эмонг Монголиа” тв студийн мэдээллийн хөтөлбөр онцолжээ.

Т.Банзрагч “Хашааныхаа гадна талыг тохижуулахаас гадна дотор талыг ч тохижуулах ёстой гэж бодсон. Хашааныхаа зураг төсөл, төлөвлөгөөг гаргаж тохижуулалт хийсэн. Явган хүний хайс, машины зам, зүлэгжүүлэлт зэргийг хийж, яаж цэвэрхэн байх талаас нь бодолцсон. Гэр хороололд ч гэсэн цэвэрхэн амьдарч болох юм гэдгийг хүмүүст харуулахыг зорьсон” гэжээ.

Т.Банзрагч Уулын баяжуулах “Эрдэнэт”үйлдвэрт авто тээврийн жолоочоор ажилладаг. Түүнийг Эрдэнэтчүүд “гоё хашаатай ах” хэмээдэг аж. Тэднийх хашаандаа сагс болон хүүхдийн тоглоомын талбай зэргийг байгуулсан байна. 

Энэ тухай  “Эмонг Монголиа” тв студын бэлтгэсэн

мэдээллийг үзнэ үү.  

Т.Түвшин

ZINDAA.MN