Бүх Оросын шилдэг оюутнаар шалгарсан Монгол охин

ОХУ-ын “Оны шилдэг оюутан шалгаруулах” уралдааны “Шилдэг гадаадын оюутан” номинацийн эзнээр Монгол оюутан тодорчээ. Түүнийг Цэрэнсүрэнгийн Лхагвацэнд гэдэг бөгөөд ОХУ-ын Улс түмний найрамдлын их сургуулийн Хууль зүйн дээд сургуулийн магистрын нэгдүгээр дамжааны оюутан аж. Тэрээр 2010 онд Улаанбаатар хот дахь Плехановын академийн лицей сургуулийг 15 настайдаа төгсч, МУИС-ийн хууль зүйн дээд сургуульд хоёр жил суралцаж байгаад ОХУ-п суралцахаар зорьсон гэнэ.

“Студент Года-2016” нь ОХУ-ын үндэсний хэмжээний томоохон уралдаануудын нэг бөгөөд Ставрополь хотын Хойд Кавказийн холбооны их сургууль дээр зохион байгуулагдсан юмсанж. ОХУ-ын өнцөг булан бүрээс ирсэн 200 гаруй оюутнууд дундаас авьяас чадвар, оюун ухаанаараа уралдаж Ц.Лхагвацэнд түрүүлсэн нь элэг нэгтнүүдийнхээ талархлыг ихээхэн хүлээгээд байна.

2017-01 сар. “Зиндаа” сэтгүүл №2 /502/