Харамсалтай: Гэртэйгээ шатжээ

Гэрийнхээ үүдний амбаарт ялаа үргээхээр утаа тавьж байгаад гал алдан гэртэйгээ шатсан харамсалтай хэрэг гарчээ. Тодруулбал,“ГССҮТ-д түлэгдсэн хүн ирж хэвтлээ” гэсэн дуудлагын дагуу цагдаагийнхан ажиллажээ. Ингэхэд Өмнөговь аймаг Цогтцэций сумын харьяат Б /эр.54н/ нь есдүгээр сарын 29-нд гэрийнхээ үүдний амбаарт ялаа үргээхээр утаа тавьж байгаад гал алдан гэртэйгээ шатаж 40 хувийн түлэгдэлттэй тус эмнэлгийн түлэнхийн тасагт хэвтэн эмчлүүлж байжээ. Хэргийг Баянгол дүүргийн Цагдаагийн II хэлтэст шалгаж байгаа юм байна. Иймээс иргэд ахуй хүрээнд гал алдахаас болгоомжлохыг албаныхан анхаарууллаа.

С.Баяр

Эх сурвалж: Zindaa.mn