Налайх, Чойрын уулзвар хүртэлх авто замын ажлыг нэн даруй эхлүүлнэ

БНХАУ-аас Монгол Улсад суугаа Элчин сайд Шин Хаймин болон Нийслэлийн Засаг даргын орлогч П.Баярхүү нар өнөөдөр Улаанбаатар хотод өрнөж буй бүтээн байгуулалтын ажлууд болон цаашид хийж хэрэгжүүлэх хамтын ажиллагааг өргөжүүлэх талаар санал солилцлоо.

Уулзалтын үеэр Гачууртын уулзвараас Налайх, Чойрын уулзвар хүртэлх 20.9 км тусгаарлах зурвас бүхий дөрвөн эгнээ авто замын ажлыг эхлүүлэх талаар санал тавьж, холбогдох асуудлуудыг шийдвэрлэх талаар ярилцлаа. Ийнхүү шинэчлэлийн ажил хийгдсэнээр гуравдугаар ангилалын тус зам нэгдүгээр ангиллын зам болж өргөжих юм.