С.Зоригийг хөнөөсөн хэргийг УДШ баасан гаригт хэлэлцэнэ

  Дэд бүтцийн сайд асан С.Зоригийг хөнөөсөн хэрэгт Ц.Амгаланбаатар, Б.Содномдаржаа, Т.Чимгээ нарыг  гэм буруутай гэж үзэн хоёр ч шатны шүүхээс 24 – 25 жилийн хорих ял оноосон. Хэргийг энэ сарын 4-ний баасан гаригт Улсын Дээд шүүхийн хяналтын шатны эрүүгийн хэргийн шүүх хуралдаанаар хэлэлцэхээр тов зарласан байна. 

 Улсын Дээд шүүхийн хяналтын шатанд дээрх хэрэг хоёр ч удаа хэлэлцэгдэхээр товлогдсон ч өмгөөлөгчдийн хүсэлтээр хойшлогдсон. Б.Содномдаржаа, Т.Чимгээ нарын ар гэрийнхэн өчигдөр Монгол Улсын Ерөнхийлөгчид хандан шүүх хуралдааныг нээлттэй явуулж өгөхийг хүссэн юм. Т.Чимгээгийн өмгөөлөгч БНСУ-д эмчлүүлэхээр явсантай холбоотойгоор шүүх хуралдааныг хойшлуулж ирсэн ч өмгөөлөгч С.Оюунцэцэгийн эмчилгээ нь дуусч наадмын өмнө иржээ.

Т.Түвшин

ZINDAA.MN