Далд утгатай сурталчилгааг зөвшөөрлөө

Их Британийн эрх баригчид далд рекламыг хориглох тухай хуулийг цуцалжээ. Их Британичуудын хувьд далд сурталчилгаа нь цочир сонин зүйл бол АНУ, ОХУ-д энэ төрөл чинээндээ тултлаа хөгжсөн байдаг ажээ. Ofcom төрийн бус байгууллага телевизүүд далд рекламыг цацахдаа дэлгэцийн дээд өнцөгт Р (“product placement") тэмдэгт байрлуулах хэрэгтэй гэсэн шаардлагыг тавьж байгаа аж. Энэ хуулийг хэвлэл мэдээллийн хэрэгсэл ихэд дэмжин хүлээж авсан бол шашны зүтгэлтнүүд, хуучинсаг үзэлтнүүдийн дургүйцлийг хүргэж байгаа юм байна. Америкт Coca Cola, Apple зэрэг том компаниуд бүтээгдэхүүнээ эфирт санамсаргүй байдлаар харуулахын төлөө мөнгийг хэдэн саяар нь цацдаг байна. Харин манай хойд хөршид далд сурталчилгааг зөвшөөрөөд 10 жилийн нүүр үзэж байгаа ажээ.   

С.Төгөлдөр