Ууцны үнэ 170-200 мянган төгрөг байна

Сар шинийн баяр дөхөж буй энэ өдрүүдэд зах худалдааны төвүүдэд цагаан сарын тавгийн идээ, ууц эрэлттэй байна. Тэгвэл өнөөдрийн байдлаар Хүчит шонхор зах дээр жижиг хэмжээтэй ууцны үнэ 100-130 мянган төгрөгт хэлбэлзэж байгаа аж. Харин дундаж нь 170-200 мянга, том оврын ууц 250-300 мянган төгрөгийн үнэтэй байна. Түүнчлэн үхрийн өвчүүг нэг кг нь 6000 төгрөгөөр тооцож худалдаж байгаа юм байна. Энэ нь овор, хэмжээнээсээ хамаараад 54000-100000 хүртэлх төгрөгийн үнэтэй гэсэн үг. Тэгвэл ул боовны үнэ 1200-1600 төгрөгийн үнэтэй байна.