Ц.Мөнхтөр МҮОНТ-ийн “Монголын мэдээ” сувгийг удирдана

МҮОНТ-ийн “Монголын мэдээ” сувгийн захирлын үүрэг гүйцэтгэгчээр сэтгүүлч Ц.Мөнхтөрийг томилсон байна. МҮОНРТ энэ оны дөрөвдүгээр сараас эхлэн хоёр тусгай сувагтай болж өргөжиж байгаа аж. Тодруулбал, “Үндэсний тв-1”-ээр үндэсний агуулга, нэвтрүүлгээр дагнана. Харин “ММ агентлаг”-ийг өргөжүүлж, “Монголын мэдээ суваг” буюу “Үндэсний тв-2” болгох шийдвэрийг МҮОНРТ-ийн Үндэсний зөвлөл дэмжсэн юм. Сэтгүүлч Ц.Мөнхтөр 1962 онд Завхан аймгийн Улиастай хотод төрсөн, 1989 онд ОХУ-ын Дон дахь Ростовын их сургуулийг сэтгүүлч мэргэжлээр төгсөж, 2004 онд АНУ-ын Колорадогийн Их сургуульд телевизийн мэдээллийн чиглэлээр магистрийн зэрэг хамгаалжээ.