Хар тамхины хэргээр 4 эмэгтэйг саатуулжээ

Эрүүгийн цагдаагийн газрын Хар тамхитай тэмцэх хэлтсээс өчигдөр /11.04/ хар тамхи хэрэглэдэг байж болзошгүй 24-28 насны дөрвөн эмэгтэйг шалгаж эхэлжээ. Анхны шинжилгээгээр хоёр нь хар тамхи хэрэглэсэн болох нь тогтоогдсон тул баривчилж, хэрэг үүсгээд байгаа юм байна. Мөрдөн байцаалтын явцад дээрх иргэдээс их хэмжээний "мөс" гэх мансууруулах төрлийн бодис илэрсэн тухай ЦЕГ-аас мэдэгдлээ. Мөн энэ сарын 1-ний өдөр Сэлэнгэ аймгийн Алтанбулагт валютын ченжийн аминд хүрсэн хэрэг гарчээ. Хэргийн мөрөөр тус аймгийн цагдаагийн газрынхан шуурхай ажиллаж, сэжигтэнг олж, саатуулан шалгаж эхэлсэн байна. Сэжигтэнийг баривчлах үед хохирогчийн гэрээс алдагдсан байж болзошгүй 40 гаруй сая төгрөг олджээ.