Шүүгчдийн цалинг 30 хувь бууруулна

Ирэх оны төсөвт яам, агентлагийн бүтэц зохион байгуулалтыг цомхон, давхардалгүй болгохоор тусгасан. Түүнчлэн Засгийн газрын зарим тусгай сан болон төсвийн зарим байгууллага, ажлын албадыг татан буулгах чиг үүргийг нь холбогдох яам, агентлагт шилжүүлэх юм. 

Мөн төрийн өндөр болон улс төрийн албан хаагчдын цалинг бууруулахаар тооцсон. Үүнд бүх шатны шүүгчдийн цалинг 30 хувиар бууруулахаар болжээ.

Үүнтэй холбогдуулан шүүгчийн цалин хөлсийг шинэчлэн тогтоох юм байна. Энэ мэтчилэн өөрчлөлт оруулахын тулд ирэх оны төсвийн хуулийн дагалдуулан нийт 35 хууль, УИХ-ын тогтоолын дөрвөн төслийг боловсруулжээ.