Сурагчид хичээлдээ явж эхэлжээ

БНСУ-д титэм вирусын /MERS/ халдвар гарч 3000 орчим сургууль, цэцэрлэг хаагдаад байсан юм. Тэгвэл Ерөнхийлөгч Пак Ген Хегийн зарлигаар өчигдөр тус улсын сурагчид хичээлдээ явж эхэлсэн байна. Гэхдээ халдварын эрсдэл өндөртэй 440 сургууль хаалттай хэвээр үлджээ.
 
Титэм вирусын халдвараар Өмнөд Солонгост 150 хүн өвчилж, 16 хүн нас бараад буй юм. Халдвар эмнэлгийн орчинд тархаж байгааг тогтоож, голомт болсон “Самсунг” эрүүл мэндийн төв болон өөр гурван эмнэлгийн үйл ажиллагааг зогсоожээ. Түүнчлэн халдвар авсан байж болох 5500 гаруй хүнийг хөл хорьсон байна.