Т.Цогт, Г.Маралмаа нарын шүүх хурал хорих ангид болно

Дөрвөн настай бяцхан охиныг хэрцгийгээр зодож амь насыг нь хөнөөсөн хэрэгт буруутгагдаад байгаа хойд эх Г.Маралмаа, хэргийг нуун дарагдуулсан хэрэгт буруутгагдсан талийгаачийн төрсөн эцэг Т.Цогт нарт холбогдох хэргийн шүүх хурал нөгөөдөр болох гэж байна. Шүүх хурал Дүүргийн Эрүүгийн хэргийн анхан шатны нэгдүгээр шүүхэд болох байсан ч шүүгдэгч Г.Маралмаагийн биеийн байдал тааруу байгуу тул цагдан хорин 461 дүгээр ангид болохоор болсон байна.

 Өмнөх шүүх хурал энэ сарын 3-нд болох байсан ч шүүгдэгч Г.Маралмаа ухаан алдаж унан, түргэн тусламжаар эмнэлэгт хүргэгдсэн юм. Тиймээс шүүх хурлыг 14 хоногоор хойшлуулаад байсан билээ.