Охидыг зэрлэгээр хөнөөсөн гэх Б.Идэрзаяагийн ялыг хэвээр үлдээжээ

Хоёр охины амийг зэрлэгээр хороосон гэх хэргээр анхан шатны шүүхээс 25 жилийн хорих ял аваад  байгаа Б.Идэрзаяа анхан шатны шүүхийн шийдвэрийг эсэргүүцэн, давж заалдах шатны шүүхэд хандсан . Түүний гомдлыг Нийслэлийн шүүх хүлээн авч, шүүгчид хувиарлан өнөөдөр хэлэлцэж түүнд оноосон ялыг хэвээр үлдээжээ. Түүний эгч  давж заалдах шатны шүүхэд шинэ баримт дэлгэнэ хэмээн мэдэгдэж байсан ч шүүх үүнийг хүлээж аваагүй байна.Учир нь давж заалдах шатны шүүхэд шинэ баримт хэрэглэдэггүй бөгөөд анхан шатны шүүхийн гаргасан шийдвэрийг бүхэлд нь хянан хэлэлцдэг байна.  Б.Идэрзаяагийн хувьд өнгөрсөн онд Баянзүрх дүүргийн 9-р хорооны нутаг дэвсгэр, Шар хадны эцэс Хар хошуу хэмээх газар 19-20 насны хоёр охины толгойг нь таслан онц хэрцгийгээр амь насыг нь хөнөөсөн аймшигт хэрэгт буруутгагдсан. Анхан шатны шүүхээс түүнд 25 жилийн хорих чл оноож, ялын 20 жилийг гянданд, таван жилийг чанга дэглэмтэй хорих ангид эдлүүлэхээр шийдвэрлэсэн.