Пан Азийн аварга Д.Лхагваа хар тамхи хэрэглэсэн байж болзошгүй

Пан Азийн аварга, мэргэжлийн боксчин Д.Лхагваа хууль бусаар мөрийтэй тоглож байгаад баригдсан удаатай. Тэрбээр дахин хууль бусаар мөрийтэй тоглож байгаад баригдсан байна. Өөрөөр хэлбэл энэ сарын гуравны өдөр Сүхбаатар дүүргийн нутаг дэвсгэр байрлах нэгэн зочид буудалд хэсэг бүлэг хүмүүстэй мөрийтэй тоглож байгаад үйлдэл дээрээ баригдсан байна.  Мөн мөрийтэй тоглож байсан этгээдүүд тоглож байхдаа хар тамхи хэрэглэсэн байж болзошгүй байдал илэрсэн байна. Цагдаагийн албан хаагчид мөрийтэй тоглож байсан хүмүүсийн өрөөнөөс зүү, тариур, хар тамхины төрлийн нунтаг цагаан зүйлсийг эд мөрийн баримтаар хураан авсан байна.  Д.Лхавгаагийн хувьд мөрийтэй тоглоом хууль бусаар тоглосон нь удаа дараагийнх бөгөөд уг хэргийг Сүхбаатар дүүргийн цагдаагийн хэлтэст шалгаж байна.