Улаанбаатар-Увс чиглэлийн автобус унаж, 14 хүн гэмтжээ

Улаанбаатар-Увс аймгийн чиглэлд зорчиж явсан автобус осолдож, зорчигчид гэмтжээ.

“Түмэнд нээлттэй хязгаарынхан”  ХХК-ийн хот хоорондын зорчигч тээврийн “Паз 4234” загварын автобус нь Архангай аймгийн Хотонт сумын Хотонт багийн нутаг “Цагаан сүм” голын гүүрэн дээрээс  өчигдөр /VI.8/ 03:00 цагийн орчимд унасан тухай дуудлагыг өнөөдөр өглөөний /VI.9/ 06:40 цагт хүлээн авчээ.

Ослын газарт тус аймгийн Цагдаагийн газрын 3 албан хаагч, Нэгдсэн эмнэлгийн 1 эмч нийт 4 хүн, 2 техник хэрэгсэлтэйгээр ажиллаж, 14 иргэн гэмтсэн байсныг сумын хүн эмнэлэгт хүлээлгэн өгсөн байна. Тус автобусанд 35 хүн зорчиж явжээ.