Төв цэвэрлэх байгууламжийг 15-аас 48 цаг зогсооно

Төв цэвэрлэх байгууламж энэ сарын 15-ны өдрөөс эхлэн 48 цагийн турш тэг зогсолт хийнэ. Ингэхдээ элэгдэж, цоорсон бетон ханыг засварлах юм. Засварын явцад орон сууцны айл өрхүүдийн ахуйн хэрэглээний усыг хязгаарлахгүй, Туул гол руу бохир ус цутгахгүй юм байна.

Харин иргэдийг “Энэ сарын 15-17-ны өдрүүдэд иргэд өөрсдийн ухамсраар юм угаахгүй, усанд орохгүй байх зэргээр аль болох усаа хэмнэж, бага хэрэглэхийг уриалж байна. Мөн аж ахуйн нэгж, байгууллагууд ч хэрэглэх усны хэмжээгээ энэ хугацаанд багасгана уу” гэж Улаанбаатар хотын Захирагчийн албанаас уриаллаа.