Зэрлэг шатааж байгаад гал алджээ

Дорнод аймгийн Булган сумын Хайчин гэх газар гал түймэр гарсан дуудлага өчигдөр аймгийн Онцгой байдлын газарт 12 цагийн орчимд иржээ. Тус сумын нутагт газар тариалангийн үйл ажиллагаа эрхэлдэг “Цагаан эрэг” ХХК-ийнхан тариалангийн талбайнхаа зэрлэгийг шатааж байгаад гал алдсан гэж эх сурвалж мэдээлж байна. Энэ талаар бид аймгийн Онцгой байдлын албанаас лавлахад “Цагаан эрэг” ХХК-ийн тариалангийн талбайгаас гал алдсан гэдгийг баталлаа. Түймэр одоо хэр унтраагүй байна. Аймгийн ОБХ-ийн 12 албан хаагч галын голомтон дээр ажиллаж байна. Одоогоор түймрийн хохирлын хэмжээ хараахан тогтоогдоогүй гэж орон нутгийн хэвлэл мэдээллээ.