”21” худалдааны төвд гарсан галаас дөрвөн хүний амь насыг аварлаа

Сонгинохайрхан дүүргийн 27 дугаар хороонд байрлах 21 худалдааны төвд гарсан галыг нийслэлийн Онцгой байдлын газрын Аврах гал унтраах 26 дугаар ангийн бүрэлдэхүүн, мөн утаажилт ихтэй байсан тул нэмэлтээр Аврах гал унтраах 18, 29 дүгээр ангийн бүрэлдэхүүн нийт 56 албан хаагч шуурхай ажиллаж  бүрэн унтраасан байна. Гал түймрийн улмаас түрээслэгч, үйлчлүүлэгч иргэд барилга дотор хорт утаанд угаартах аюултай байсан тул гал сөнөөгчид эрлийг шуурхай зохион байгуулж 5 давхарт байсан 0,8 - 52 настай 4 иргэнийг автомеханик шат ашиглан буулгаж эмчид шилжүүлэн өгчээ. Аварсан иргэдээс бэртэж гэмтсэн хүн байгаагүй аж. Одоогоор гал түймэр бүрэн унтарсан, гал түймрийн шалтгаан нөхцлийг тогтоохоор шинжээчдийн баг ажиллаж байна.