Энэ оны УИХ-ын чуулганы сүүлчийн хуралдаан болов

2013 оны УИХ-ын чуулган өнөөдөр сүүлчийн удаа хуралдав. Түшээд их ажлын дард гарсан шиг сая нэг амьсгаа авцгааж, хэчнээн их ядарч зүдэрснээ гайхцгаав. Шинэчлэлийн Засгийн газар ч гарааны жилийн тайлангаа зураг хөрөгтэй танилцуулах ба өнгөрсөн хугацаанд хийсэн ажлынх нь /зургийх нь/ голд Т.Батаар тод томруунаар дүрслэгджээ. Өөр бас олон сайхан ажлын маш гоё зургаар харуулсан байх юм. Харин УИХ чухам яг ямар ажлууд амжуулав.

УИХ-ын даргын 2013 оны есдүгээр сарын 23-ны өдрийн 167 дугаар захирамжаар УИХ-ын  намрын ээлжит чуулганаар хэлэлцэх асуудлын дарааллыг дор дурдсанаар тогтоосон. Үүнд:

-Монгол Улсын 2014 оны төсвийн тухай хуулийн төсөл

-Хүний хөгжил сангийн 2014 оны төсвийн тухай хуулийн төсөл

-Нийгмийн даатгалын сангийн 2014 оны сангийн тухай хуулийн төсөл

-“Төрөөс мөнгөний бодлогын талаар 2014 онд баримтлах үндсэн чиглэл батлах тухай” Улсын Их Хурлын тогтоолын төсөл

-Шүүх байгуулах тухай хуульд өөрчлөлт оруулах тухай хуулийн төсөл

-Шүүхийн захиргааны тухай хуульд нэмэлт, өөрчлөлт оруулах тухай, Монгол Улсын шүүхийн тухай хуульд өөрчлөлт оруулах тухай, Төсвийн тухай хуульд нэмэлт, өөрчлөлт оруулах тухай хуулийн төслүүд

-Хилийн боомтын тухай хуулийн төсөл

-Төрийн аудитын тухай хуульд нэмэлт, өөрчлөлт оруулах тухай хуулийн төсөл

-Иргэний эрүүл мэндийн даатгалын тухай хуулийн төсөл /Шинэчилсэн найруулга/

-Төсвийн тухай хуульд нэмэлт, өөрчлөлт оруулах тухай хуулийн төсөл

-“Ногоон хөгжлийн үзэл баримтлал, дунд хугацааны хөтөлбөр батлах тухай” Улсын Их Хурлын тогтоолын төсөл

-Соёлын өвийг хамгаалах тухай хуулийн төсөл /Шинэчилсэн найруулга/

-Улсын тэмдэгтийн хураамжийн тухай хуульд нэмэлт оруулах тухай хуулийн төсөл /Засгийн газраас 2013 оны 9 дүгээр сарын 16-ны өдөр өргөн мэдүүлсэн/

-“Төрөөс эрдэс баялгийн салбарт баримтлах бодлого батлах тухай” Улсын Их Хурлын тогтоолын төсөл

-Газрын тосны тухай хуулийн төсөл /Шинэчилсэн найруулга/

-Газрын тухай хуулийн төсөл /Шинэчилсэн найруулга/

-Газрын кадастрын тухай хуулийн төсөл /Шинэчилсэн найруулга/

-Геодези, зураг зүйн тухай хуульд нэмэлт, өөрчлөлт оруулах тухай хуулийн төсөл

-Монгол Улсын Засгийн газрын тухай хуульд өөрчлөлт оруулах тухай хуулийн төсөл /Монгол Улсын Ерөнхийлөгчөөс 2013 оны 6 дугаар сарын 10-ны өдөр өргөн мэдүүлсэн/

-бусад

Одоогийн байдлаар эдгээрээс эцэслэн шийдвэрлэсэн нь тун цөөн бөгөөд он гарсны дараа үргэлжлүүлэн хуралдаж шийдвэрлэхээр болсон байна.