2014 оны төсөв батлагдлаа
УИХ-ын чуулганаар 2014 оны төсвийн тухай хуулийг баталлаа. Хуралдаанд оролцсон 53 гишүүнээс 42 нь зөвшөөрснөөр 79.2 хувийн саналаар 2014 оны төсвийн тухай хуулийг батлагдлаа.
Улсын Их Хурал Монгол Улсын төсөвт 2014 оны төсвийн жилд төвлөрүүлэх төсвийн тэнцвэржүүлсэн орлогын хэмжээг 4 их наяд 676 тэрбум 370.5 сая төгрөг, Монгол Улсын төсвөөс 2014 оны төсвийн жилд зарцуулах төсвийн тэнцвэржүүлсэн орлогод нийцүүлсэн зарлагын хэмжээг 5 их наяд 594 тэрбум 785.9 сая төгрөг байхаар баталлаа. Мөн Монгол Улсын төсвөөс 2014 оны төсвийн жилд улсын төсвийн хөрөнгөөр санхүүжүүлэх хөрөнгө оруулалт, тоног төхөөрөмж, их засварын зардлын хэмжээг 1 их наяд 143 тэрбум 275.5 сая төгрөгөөр, Төсвийн тогтвортой байдлын тухай хуулийн 16 дугаар зүйлд заасны дагуу Төсвийн тогтворжуулалтын 2014 оны төсвийн санд хуримтлуулах хөрөнгийн хэмжээг 29 тэрбум 799.6 сая төгрөгөөр батлав.
Холбоотой мэдээ
Сэтгэгдэл ( 1 )
Идэх мөнгөө батлаа юу, Та нар ард түмэндээ үнэ хүндгүй нэр хугархаар яс хугар гэж байдагдаа эвий дээ өрөвдмөөр л хүмүүсдээ та нар, Төсвийн мөнгөнөөс би юу ч олж долоохгүй биз дээ