Алтлаг, бас амтлаг харагдах Гэрлээгийн “өнгө”

Хошин урлагийн тоглолт, шоу нэвтрүүлэг, уралдаан тэмцээн гээд л төрөл бүрийн зүйлд хүчээ сорьж яваа жүжигчин А.Гэрэлцэцэг “Updown”сэтгүүлийн нүүрийг чимжээ. Намирсан хар үс, том алаг нүд, сайхан инээмсэглэлээрээ эрчүүдийг соронзон мэт татдаг түүнийг урих газар олон. Тэвэл жүжигчин бүсгүй үсний өнгөө өөрчлөн, гадаад төрхөө өвөрмөцөөр бүрдүүлжээ. Мөн сэтгүүлийн нүүрэнд зургаа авахуулахдаа алтлаг өнгөтэй гоёл сонгосон бөгөөд эрхлэгчийнх нь зурваст өгүүлснээр бол тэр амтлаг, бас алтаг өнгөтэй Гэрлээ болж хувирчээ.

Юутай ч, жүжигчин бүсгүйг урлагийн сургуулиа төгсөөд удаагүй байхдаа “Никитон” хамтлагийн “Нандин шүтээн” дууны клипэнд эротик дүр бүтээснийг нь эс тооцвол тийм ч нээлттэй нэгэн биш гэлцдэг. А.Гэрэлцэцэгт иймэрхүү кино, клипэнд тоглох санал нэлээд ирдэг ч хүлээж авдаггүй бөгөөд хувийн амьдралынхаа талаар ихэд нууцалдаг юм билээ. Хамгийн сүүлд л гэхэд, түүнийг ойрын хугацаанд гэрлэх гэж байгаа хэмээн цуурсан ч А.Гэрэлцэцэг ямар нэгэн тайлбар хийгээгүй юм.

С.Цахиур