Дээд зөвлөл гэх ”шимэгч”-ийг татан буулгах нь зөв

Сууц өмчлөгчдийн холбооны Дээд зөвлөлийг татан буулгах, хууль бус орлогыг хураан авах, эсэх тухай шүүх хурал Нийслэлийн захиргааны хэргийн шүүхээр хэлэлцэгдэж байгаа. ШӨХТГ-аас СӨХ-ны Дээд зөвлөлийг өнгөрсөн нэгдүгээр сард “Сууц өмчлөгчдийн холбоо гэдэг байгуулага байхад Дээд зөвлөл гэж бас нэг байгууллага байх ёсгүй. Өнгөрсөн арван жилийн хугацаанд нийт 500 гаруй сая төгрөгийг хууль бусаар үрсэн” гэх үндэслэлээр шүүхэд өгсөн юм бөгөөд эл гомдлын дагуу шүүх хурал болж буй. Тус байгууллагын талаар иргэд ч ам сайнгүй бөгөөд дээд зөвлөл СӨХ-өөс мөнгө татаж санхүүжиж байдаг хэдий ч СӨХ болон иргэдэд ямар ч нөлөө үзүүлж "нэмэр" болж байгаагүй гэдэг. Харин хэсэг бүлэг хүмүүсийн явцуу эрх ашгийн үүднээс бий болсон гэх шүүмжлэл ихээр гардаг. Тиймээс эл "шимэгч" байгууллага оршин тогтнох эсэхийг өнөөдөр шийднэ.