Хотын захиргааг Баянхошуу руу нүүлгэнэ

Нийслэлийн Удирдлагын зөвлөлийн ээлжит хурал өчигдөр болж, хотын захиргааг Баянхошуу руу нүүлгэх асуудлыг хэлэлцэж, дэмжжээ. Хотын удирдлагууд энэ асуудлыг олонхийн саналаар дэмжсэн тул нийслэлийн Засаг дарга бөгөөд Улаанбаатар хотын захирагч Э.Бат-Үүл энэ тухай захирамж гаргаж, батламжлахаар болсон байна. Эхний ээлжинд хотын захиргааг Баянхошуу руу нүүлгэхэд шаардлагатай Техник, эдийн засгийн үндэслэлийг гаргаж, судалгаа хийх Ажлын хэсэг томилжээ.