Үлгэрч Таня эгч жолооны эрхээ хасуулав

Үдэш бүхэн Оросын төв телевизээр хүүхэд  багачуудад үлгэр ярьж өгдөг ”Тавтай нойрсоорой багачуудаа” нэвтрүүлгийн хөтлөгч Татьяна Судец багаар бодоход 1 жил 8 сарын хугацаагаар жолооны эрхээ хасуулаад байна.

Одоо 65 настай ОХУ-ын гавьяат жүжигчин тэрээр өнгөрсөн шинэ жилийн үдэш Москва хотын “Их улаан толгойн гүүр”-ний орчимд “Ниссан Кашкай “маркийн машинаараа”Мерседес” маркийн машинтай мөргөлджээ. Азаар хүний амь осолдоогүй ч  нэрт  хөтлөгч согтуурлын хэмжээг шалгах үлээх сорилоос эрс татгалзжээ.

Шүүхээс  Таня эгчийг удаа дараа дуудсан ч хүрэлцэн ирээгүй шалтгаанаар 4 удаа шүүх хурал хойшлогджээ.Мөн гэрт очиход хаалгаа тайлж өгөөгүйн улмаас түүнийг байлцуулалгүй шүүх хурал тогтоолоо гаргажээ.

Нэрт хөтлөгч Татьяна Судец 1982 оноос эхлэн 30 гаруй жил жолоо барьж байгаа юм.