Хүүхдийн их наадамд оролцох багт Төрийн далбааг гардуулна

Хүүхдийн их наадамд оролцох баг тамирчдад төрийн далбаа гардуулж, үдэн гаргах ёслол энэ сарын 24-нд буюу ирэх даваа гарагт Спортын төв ордны өмнөх талбайд 10.00 цагаас болох юм.

Олон Улсын Хүүхдийн VI Их наадам энэ сарын 25-30-ны өдрүүдэд ОХУ-ын Бүгд Найрамдах Буриад улсад болно. Тус наадамд Монгол Улсаас 126 хүний бүрэлдэхүүнтэй баг, тамирчид спортын есөн төрөлд хүч үзнэ. Өмнө нь манай баг тамирчид Олон Улсын Хүүхдийн V Их Наадмаас нийтдээ 30 медальтай эх орондоо ирж байжээ.