Эмэгтэй гишүүдийн стилийг харъя - П.Анужин

Сонгууль дөхсөнтэй зэрэгцэн гишүүдийн хийж буй үйлдэл, хэлж буй үгсэд олон нийт чих тавин ажин суух болжээ. Өнгөрсөн хугацаанд хийж хэрэгжүүлсэн ажлынхаа тухай тайлагнанхан байгаа тэд өөр өөрсдийн аргаар тайлангаа тавьсаар байна. 

Өнгөрсөн 7 хоногоос эхлэн П.Анужин гишүүн өөрийн цахим хуудсаар дамжуулан хийж хэрэгжүүлсэн ажил, санаачилсан хуулийн төслийн талаар мэдээлэл хийж эхэлсэн. Гэсэн ч сонгогчид түүний ярьж буй зүйлээс илүүтэй гадаад төрхөнд нь анхаарал хандуулсан гэхэд хилсдэхгүй. Учир нь түүнийг нүүрэндээ мэс хүргэсэн гэх яриа газар авсан бөгөөд П.Анужин гишүүн төрөлх төрхөө өөрчлөх бодолгүй яваа тухайгаа учирлажээ. 

Түүнийг олны анхааралд авчирдаг өөр нэгэн зүйл бол хэзээнээс өмсөж ирсэн Монгол дээл.

Ганган чамин, тансаг дэгжин, энгийн гоёмсог байдлыг илтгэх дээл түүнд олон бий. Тиймээс ч оёдолчных нь нэр, дугаар зэргийг асуун сураглах хүмүүс олон байдаг ч эцэст нь П.Анужинтай эргэн нүүр тулдаг. Учир нь П.Анужин дээлнүүдийнхээ загварыг өөрөө гаргадаг аж. Тэрээр 2015 онд “Монгол хувцас XXI зуун” үзэсгэлэнгээ гаргаж байсан нэгэн. Ингээд энэ парламентийн содон өнгө П.Анужингийн дээлтэй зургуудаас сонирхуулъя.